Onion Market : पावसाचा कांदा बाजारावर परिणाम होणार का? नवीन कांदा बाजारात उशिरा येण्याची शक्यता, साठवणुकीचा कांदा महिन्याभरात संपेल..
कोल्हापूर: गणेशोत्सवाच्या नंतर भाजीपाल्याच्या दरात मोठा बदल झाला आहे. विशेषतः, कांद्याचे दर वाढले आहेत. कोल्हापूरच्या कृषी उत्पन्न बाजार समितीत सध्या राज्यातील विविध भागांमधून कांद्याची आवक होत आहे. यामध्ये सोलापूर, अहमदनगर आणि पुणे येथील जुना कांदा आणि शेतकऱ्यांनी साठवून ठेवलेला कांदा समाविष्ट आहे.
“सध्या बाजारात राज्यातील इतर शहरांमधून जुना कांदा आणला जातोय. सोलापूर, अहमदनगर आणि पुणे या शहरांमधून हा कांदा येतोय. शेतकऱ्यांनी साठवून ठेवलेला कांदाही बाजारात आहे. हा कांदा एप्रिल-मे महिन्यात पिकला होता. त्यावेळी त्याची किंमत 1500 ते 2000 रुपये किलो होती. पण आता किंमत वाढून 3000 ते 5000 रुपये किलो झाली आहे. हा जुना कांदा आणखी एक महिन्यात संपणार आहे. त्यामुळे आता कोल्हापूरच्या बाजार समितीत नवीन कांदा येऊ लागला आहे,” असे महालक्ष्मी ट्रेडिंग कंपनीचे उदय देसाई यांनी सांगितले.
सध्या बाजारात जुना कांदा संपत आला आहे आणि नवीन कांदा येऊ लागला आहे. पण अचानक येणाऱ्या पावसामुळे नवीन कांदा बाजारात उशिरा येऊ शकतो. तरीही, नवीन कांद्याला चांगला भाव मिळण्याची शक्यता आहे.बाजारपेठेत नवीन कांद्याला 40 ते 50 रुपये किलोचा दर मिळण्याची अपेक्षा आहे. व्यापाऱ्यांचे म्हणणे आहे की, जुना आणि नवा कांदा, दोन्हीच्या दरात फारसा फरक पडणार नाही.”
पत्रकार -
