भेंडी (Okra, ladies’ fingers) व लागवड

भेंडी (इंग्रजी नावे: Okra, okro, ladies’ fingers व ochro) ही एक फळभाजी आहे. ही भाजी भारतात जवळजवळ वर्षभर बाजारात उपलब्ध असते. भेंडीच्‍या फळात कॅल्शियम व आयोडिन ही मूलद्रव्‍ये आणि क जीवनसत्त्व भरपूर प्रमाणात असते.

भेंडी लागवड खरीप (जून – जुलै) आणि उन्हाळी (जानेवारी – फेब्रुवारी) हंगामात करतात. कोकण विभागात भेंडीची लागवड रब्बी हंगामात करता येते. निर्यातीसाठी सतत पुरवठा करण्याकरिता पीक टप्प्या टप्प्यात १५ – २० दिवसाच्या अंतराने पेरावे. भेंडी हे भाजीपाला पीक मूळचे दक्षिण आफ्रिकेतील किंवा आशिया खंडातील मानले जाते. भेंडीची लागवड वर्षभर केली जाऊ शकते. अधिक उत्पादनासाठी खरीप व उन्हाळी हंगामात भेंडीची लागवड करणे फायद्याचे ठरते. भेंडीमध्ये विविध जीवनसत्त्वे, लोह तसेच खनिजे मुबलक प्रमाणात उपलब्ध असतात. भेंडीच्या झाडाचा वापर कागद तयार करण्यासाठी केला जातो. या अशा विविध कारणांमुळे मागणी असलेल्या भेंडीची लागवड करणे शेतकरी बांधवांसाठी फायद्याचे ठरू शकते.

भेंडीची भाजी सहज उपलब्ध होत असल्याने ती भारतात सर्वत्र खाल्ली जाते. भेंडीची भाजी चिकट आणि बुळबुळीत असली तरी ती चविष्ट व पोषक असते. भेंडीच्या भाजीचे भेंडी फ्राय, भेंडी मसाला असे वेगवेगळे प्रकार करून खाल्ले जातात. कोवळी भेंडी कच्ची खाणेही आरोग्यासाठी चांगले असते.[२] भेंडीच्या जून दाण्यांचीसुद्धा उसळ केली जाते

*भेंडी सेवन केल्याने कॅन्सर होत नाही

*भेंडी हृदयाला देखील स्वस्थ ठेवते

*मधुमेह होण्याची शक्यता नसते

*भेंडी ॲनिमियामध्ये फारच लाभदायक असते

*पोटफुगी, बद्धकोष्ट, पोट दुखणे आणि गॅससारख्या *समस्या होत नाहीत.

*हाडे मजबूत होतात

*वजन घटण्यास मदत होते

*रोगप्रतिकारक शक्ती वाढवते

*मेंदूचे कार्य सुधारते

*गरोदर स्त्रियांसाठी उत्तम

🙏