मोदी सरकारची सरकारी कर्मचाऱ्यांसाठी नवी योजना; जाणून घ्या सविस्तर
केंद्र सरकारने सरकारी कर्मचाऱ्यांच्या पेन्शन व्यवस्थेत मोठा बदल करत युनिफाइड पेन्शन स्कीम (UPS) जाहीर केली आहे.मोदी सरकारने सरकारी कर्मचाऱ्यांसाठी एक नवीन पेन्शन योजना जाहीर केली आहे. या योजनेनुसार, ज्या कर्मचाऱ्यांनी 25 वर्षे नोकरी केली असेल, त्यांना निवृत्तीनंतर शेवटच्या वर्षाच्या सरासरी पगाराच्या 50% इतकी पेन्शन मिळेल. याशिवाय, ज्यांनी कमीतकमी 10 वर्षे नोकरी केली असेल, त्यांना दरमहा 10,000 रुपये पेन्शन मिळेल. सरकार ही योजना पुढील वर्षीपासून लागू करणार आहे. या नवीन योजनेमुळे लाखो सरकारी कर्मचाऱ्यांना फायदा होणार आहे.सरकार या योजनेसाठी आवश्यक निधी देईल. या नवीन योजनेमुळे लाखो सरकारी कर्मचाऱ्यांचे जीवनमान सुधारेल.
यूपीएस योजना ही केंद्र सरकारने सरकारी कर्मचाऱ्यांच्या निवृत्ती जीवनाला अधिक सुरक्षित आणि स्थिर बनवण्यासाठी आणलेली एक महत्वाची योजना आहे.सरकार या योजनेसाठी 18.5% इतके योगदान देईल. यामुळे कर्मचाऱ्यांचा आर्थिक भार कमी होईल.
तब्बल 30 लाख केंद्रीय कर्मचाऱ्यांना याचा फायदा होणे अपेक्षित आहे. याशिवाय राज्य सरकारांनी यूपीएस लागू केल्यास, एकूण 90 लाख कर्मचाऱ्यांना याचा फायदा होईल.नॅशनल पेन्शन स्कीम अर्थात NPS मध्ये सरकारचे योगदान 14 टक्के होते. ते वाढवून आता 18 टक्के करण्यात आले आहे. याच बरोबर कर्मचाऱ्यांना NPS अथवा UPS निवडण्याचा पर्याय केवळ एकदाच असेल. यूपीएस पुढील आर्थिक वर्ष म्हणजे एक एप्रिल 2025 पासून लागू होईल.
पत्रकार -
