‘कुसुम’मधील सौरपंपांचा -जिल्हानिहाय कोटा वाढणार

महाऊर्जाच्या (मेडा) कुसुम योजनेअंतर्गत राज्यातील शेतकऱ्यांनी आतापर्यंत २३ हजार ५८४ अर्ज ऑनलाइन दाखल केले आहेत. यामध्ये पुणे जिल्ह्यात सर्वाधिक २ हजार ६०२ अर्ज, तर सर्वांत कमी रत्नागिरी, सिंधुदुर्ग, रायगड, ठाणे जिल्ह्यांत प्रत्येकी एकच अर्ज दाखल आहे. या योजनेतून दरवर्षी १ लाख सौरपंप वितरणाचे उद्दिष्ट आहे. ही योजना प्रथम येणाऱ्यास प्रथम प्राधान्य या धर्तीवर आहे. सर्वसाधारण गटासाठी ९० टक्के, तर अनुसूचित जमाती प्रवर्गासाठी ९५ टक्के अनुदान मिळते.