Miyazaki Mango : एका किलोची किंमत ३ लाख रुपये ; भारतात कुठे पिकतोय जगातला सर्वात महाग मियाझाकी आंबा

Mango Variety : महाराष्ट्रातल्या कोकणात पिकणारा हापूस आंब्याला देश-विदेशातून मोठी मागणी असते. आपल्या विशिष्ट चव, रंग आणि सुगंधामुळे हापूस आंब्याला फळांचा राजा असेही म्हणातात.

Worlds Expensive Miyazaki Mango : या वर्षीच्या महाराष्ट्रातील आंब्याचा हंगाम जवळपास संपल्यात जमा आहे. यंदाचा आंब्याचा हंगाम सर्वसाधारणच राहिला. वाढते तापमान, कीडरोगांचा प्रादुर्भाव आणि अवकाळी पावसाचा आंबा उत्पादनाला मोठ्या प्रमाणात फटका बसला. परिणामी यंदा बाजारातही आंब्याची आवक कमीच राहिल्याचे दिसले. त्यामुळे आंबाप्रेमी खवय्यांचा काहीसा हिरमोड झाला.

महाराष्ट्रातल्या कोकणात पिकणारा हापूस आंब्याला देश-विदेशातून मोठी मागणी असते. आपल्या विशिष्ट चव, रंग आणि सुगंधामुळे हापूस आंब्याला फळांचा राजा असेही म्हणातात. पण हापूसपेक्षाही महाग असणारा आंबा आता भारतात पिकवला जात आहे. प्रामुख्याने जपानमध्ये हा आंबा पिकवला जातो.

मियझाकी असे या आंब्याच्या जातीचे नाव असून जगातील सर्वात महागडा आंबा अशी याची ख्याती आहे. जपानमध्ये पिकवला जाणारा हाच आंबा आता भारतातील पश्चिम बंगाल या राज्यात पिकवला जात आहे. याशिवाय झारखंडमधील जामतारामध्येही काही प्रमाणात पिकवला जात आहे.

बंगालच्या वीरभूम जिल्ह्यामधील एका मशिदीमध्ये मियाझाकी या आंब्याचे झाड लावण्यात आले आहे. जगातील सर्वात महाग असणाऱ्या आंब्याची किंमत प्रतिकिलो तीन लाख रुपये असल्याचे सांगितले जाते.

एका किलोमध्ये जर चार-पाच आंबे येत असतील तर, तुम्ही अंदाज लावू शकता की, एका नगाची किंमत किती असेल. पण म्हणतात ना हौसेला मोल नसते, तसेच या आंब्याचे शौकीनही याच्यासाठी पाहिजेल ती किंमत द्यायला तयार असतात.

धन्यवाद

🙏🙏🙏