कैलास सोनवणे (दिघवद पत्रकार)
चांदवड (ता. नाशिक) येथे कांद्याचे बाजारभाव सातशे ते आठशे रुपयांपर्यंत घसरल्यामुळे आज शेतकरी संतप्त झाले. बाजारभावातील अचानक झालेल्या घसरणीच्या निषेधार्थ शेतकऱ्यांनी मुंबई–आग्रा राष्ट्रीय महामार्गावर रस्ता रोको आंदोलन छेडले.
या आंदोलनाचे नेतृत्व प्रहार संघटनेचे जिल्हाध्यक्ष गणेश निंबाळकर यांनी केले. त्यांच्यासोबत माजी आमदार शिरीषकुमार कोतवाल, नितीनदादा आहेर, समाधान जामदार, संजय जाधव यांच्यासह तालुक्यातील शेकडो–हजारो शेतकरी मोठ्या संख्येने उपस्थित होते.
कांदा भाव वाढीसाठी आणि सरकारकडून तात्काळ हस्तक्षेपाच्या मागणीसाठी विविध पक्षांच्या नेत्यांनी या ठिकाणी भाषणे केली. बाजारात कांद्याला मिळणारा सातशे–आठशे रुपयांचा भाव हा उत्पादनखर्चापेक्षा फारच कमी असल्याने शेतकरी आर्थिकदृष्ट्या अडचणीत आल्याचे त्यांनी व्यक्त केले.
मुंबई–आग्रा मार्ग काही काळ ठप्प राहिला असला तरी पोलिसांनी परिस्थिती नियंत्रणात ठेवली. शेतकऱ्यांच्या मागण्या सरकारपर्यंत पोहोचवण्याचे आश्वासन स्थानिक नेत्यांकडून देण्यात आले.
पत्रकार -
