लाडकी बहीण योजना: ऑगस्टमध्ये अर्ज केलेल्या महिलांना आता वाट पाहण्याची गरज नाही!अदिती तटकरेंचे स्पष्टीकरण
मुख्यमंत्री माझी लाडकी बहीण योजना ही महिलांसाठी एक महत्त्वाची योजना आहे. या योजनेच्या सुरुवातीला काही अडचणी आल्या होत्या, पण सरकारने त्या सोडवल्या आणि आता ही योजना सुचारूपणे सुरू आहे. जुलै महिन्यात अर्ज केलेल्या महिलांना आधीच 3000 रुपये मिळाले आहेत.
ऑगस्ट महिन्यात अर्ज केलेल्या महिलांना पैसे कधी मिळतील? हा प्रश्न अनेकांच्या मनात आहे.”महिला व बालविकास मंत्री अदिती तटकरे यांनी जाहीर केले की, ‘लाडकी बहीण योजना’ अंतर्गत ऑगस्ट महिन्यात अर्ज दाखल केलेल्या महिलांना 31 ऑगस्ट रोजी जुलै आणि ऑगस्ट महिन्याचे 3 हजार रुपये मिळतील. नागपूर येथे होणाऱ्या राज्यस्तरीय मेळाव्यात याबाबतची अधिकृत घोषणा करण्यात येईल.”
नागपूर येथे होणार राज्यस्तरीय मेळावा
मुख्यमंत्री माझी लाडकी बहीण योजना ही महिला सक्षमीकरणाकडे एक मोठे पाऊल आहे. या योजनेच्या यशस्वी अंमलबजावणीसाठी राज्य सरकार विविध ठिकाणी कार्यक्रम आयोजित करत आहे.
नागपूर येथे होणारा राज्यस्तरीय मेळावा:
ऑगस्ट महिन्यातील अर्जदार: या मेळाव्यात ऑगस्ट महिन्यात अर्ज दाखल करणाऱ्या महिलांना प्राधान्य देण्यात येणार आहे.
50 लाखांहून अधिक अर्ज: ऑगस्टमध्ये साधारण 50 लाखांहून अधिक महिलांनी या योजनेसाठी अर्ज केले आहेत.
3 हजार रुपये: पात्र ठरलेल्या सर्व महिलांना जुलै आणि ऑगस्ट महिन्याचे एकूण 3 हजार रुपये दिले जाणार आहेत.
जुलै महिन्यातील लाभार्थी: जुलै महिन्यात अर्ज केलेल्या सुमारे 1 कोटी 8 लाख महिलांना आधीच 3 हजार रुपये मिळाले आहेत.
पत्रकार -
