Onion Market : या जिल्ह्यांत रब्बीची सरासरीपेक्षा जास्त पेरणी, नवीन खरीप कांद्याची आवक वाढली
नोव्हेंबर महिन्याच्या अखेरीपासून राज्यातील उन्हाळ कांद्याची आवक संपली असून, नव्या खरीप लाल कांद्याच्या आवकेत सुधारणा झाली आहे. देशांतर्गत मागणी व निर्यातीच्या स्थिरतेमुळे कांद्याचे दर सध्या स्थिर आहेत. विशेषतः नाशिक, नगर, आणि सोलापूर या जिल्ह्यांमध्ये खरीप लाल कांद्याची आवक मुख्यत्वे पाहायला मिळते.
मॉन्सूनोत्तर पावसाचा फटका
ऑक्टोबर महिन्यात मॉन्सूनोत्तर पावसामुळे खरीप कांद्याचे मोठ्या प्रमाणात नुकसान झाले. परिणामी, दसऱ्यानंतर सुरू होणारी कांद्याची आवक यंदा तुलनेने कमी होती. लासलगाव कृषी उत्पन्न बाजार समितीत नवीन खरीप कांद्याची आवक ११ ऑक्टोबर रोजी अवघ्या ९६ क्विंटलवर होती. त्यावेळी प्रतिक्विंटल सरासरी दर ३००० रुपये होते. मात्र, नोव्हेंबर महिन्याच्या दुसऱ्या आठवड्यापासून आवकेत सुधारणा होऊन डिसेंबरपासून ती वाढत गेली.
बाजारातील दर स्थिर
लासलगाव बाजार समितीत सध्या आवक १५ हजार क्विंटलच्या आत असून सरासरी दर ३५०० ते ३७०० रुपये दरम्यान आहेत. हीच स्थिती राज्यातील इतर बाजार समित्यांमध्येही आहे.
देशभरातील कांदा आवक
गुजरातमधील महुवा आणि भावनगर परिसरांमध्ये कांद्याची आवक वाढत आहे, तर गोंडल परिसरात ती घटली आहे. दक्षिण भारतात करणूल आणि बंगळुरूमध्येही कांद्याची आवक कमी दिसून येते. मात्र, नाशिक परिसरात आवक वाढल्याने प्रतवारीत सुधारणा झाली आहे.
बाजार समित्यांमधील आवक आणि दर (ता. ९ डिसेंबर)
कांद्याच्या मागणीनुसार पुढील काही आठवड्यांतही दर स्थिर राहण्याची शक्यता असल्याचे व्यापार्यांनी नमूद केले आहे.
बाजार समिती… आवक… किमान… कमाल… सरासरी
लासलगाव… २९४३५…१२००…५१००.०३७००
विंचूर (लासलगाव)… ९६६०…२०००…४५००…३८००
सोलापूर… ३२७१४… ३५००…७०००…३४००
पुणे… ११६८३…. २५००…७२००…४८५०
घोडेगाव (नेवासा)… २३५२०…१०००…५५००…४५००
पिंपळगाव बसवंत… १४५७९… १६००…४८००…३८५०
येवला… १०८७८…५००.४०८५.३२५०
मुंगसे (मालेगाव)… ११०००…८५०…३९००…३५००
कळवण… १३२५…२०००…४१००…३६००
चांदवड…८२००…१०००…४४११…३६००
मनमाड… ३५००,६००,४१७५…३४००
वणी (दिंडोरी)… २०३०…२९२०…४४६०.०३८००
वांबोरी (राहुरी)…९१०१…५००…५७००…४०००
संगमनेर… ९४९५… ५००… ५६००…३५५०
लासूर स्टेशन (छ. संभाजीनगर)… ७१००..८५०…४८५०… ३६००
पत्रकार -
